Logistika ta’minot zanjirida menejmentning roli

Abstract

Raqamli texnologiyalar jadal rivojlanayotgan hozirgi davrda ishlab chiqarish va xizmat ko‘rsatish sohalarida logistika jarayonlarini optimallashtirish dolzarb masalalardan biriga aylangan. Ayniqsa, ta’minot zanjirini samarali boshqarish zamonaviy biznesning raqobatbardoshligini belgilovchi asosiy omillardan biri sifatida e’tirof etilmoqda. Ta’minot zanjiri xom ashyo manbasidan tortib, tayyor mahsulotni yakuniy iste’molchiga yetkazib berishgacha bo‘lgan murakkab bosqichlarni o‘z ichiga oladi. Raqamli texnologiyalar asosida tashkil etilgan logistik platformalar axborot oqimining tezligi, aniqligi va tahliliy imkoniyatlari bilan ajralib turadi. Shu bois, zamonaviy raqamli logistik tizimlardan foydalanish ta’minot zanjirining har bir bo‘g‘inini samarali muvofiqlashtirishga xizmat qiladi.