Sariqlik Sindromining Differensial Patogenezi

Abstract

Mazkur ilmiy maqolada mexanik, gemolitik va parenximatoz sariqliklarning rivojlanish mexanizmlari, ularning etiologik omillari hamda patofiziologik xususiyatlari qiyosiy jihatdan tahlil qilinadi. Tadqiqot davomida bilirubin almashinuvining buzilish bosqichlari, gepatotsitlar funksional holati, eritrotsitlar gemolizi va o‘t yo‘llari obstruksiyasining organizmga ta’siri ilmiy manbalar asosida yoritilgan. Shuningdek, sariqlik turlarida kuzatiladigan biokimyoviy, metabolik va gemodinamik o‘zgarishlar hamda ularning klinik diagnostikadagi ahamiyati keng tahlil etilgan [1.123]. Bundan tashqari, differensial diagnostika usullari, laborator ko‘rsatkichlar va zamonaviy diagnostik yondashuvlarning ahamiyati ham ko‘rib chiqilgan. Tadqiqot natijalari sariqlik sindromining patogenezini chuqurroq tushunish hamda kasalliklarni erta aniqlash va samarali davolash strategiyalarini takomillashtirishda muhim ilmiy-amaliy ahamiyatga ega