Yangi O‘Zbekistonda Millatlararo Munosabatlarni Rivojlantirishda Milliy Va Umuminsoniy Qadriyatlarning O‘Rni

Abstract

Jahonda xalqaro, millatlararo, konfessiyalararo hamkorlik va hamjihatlikni mustahkamlash ko‘p jihatdan jamiyat hayotiga milliy mafkuraning umumbashariy tamoyillaridan biri bo‘lgan bag‘rikenglikning samarali joriy etilishiga bevosita bog‘liq. Zero, so‘nggi yillarda dunyoda diniy omil bilan bog‘liq ravishda turli yo‘nalishlardagi jarayonlar avj olib bormoqda. Ko‘p hollarda murakkab va ziddiyatli, baʼzida esa qonli to‘qnashuvlar bilan kechayotgan bunday voqea-hodisalar turli din vakillari o‘rtasida toqat, hurmat, eʼtibor va umuman hamkorlik ruhidagi aloqalarni shakllantirish va mustahkamlash obʼektiv tarixiy zaruriyat ekanligini ko‘rsatmoqda. Shu sababdan ham “xavfsizlik, millatlararo totuvlik va diniy bag‘rikenglikni taʼminlash hamda chuqur o‘ylangan, o‘zaro manfaatli va amaliy tashqi siyosat” mamlakatimizda strategik vazifalardan biri sifatida belgilab olindi, shuningdek, O‘zbekiston Respublikasi Prezidenti Sh.M.Mirziyoev tomonidan BMT minbaridan Bosh Assambleyaning “Maʼrifat va diniy bag‘rikenglik” deb nomlangan maxsus rezolyusiyasini qabul qilish taklifi ilgari surildi. “Ushbu rezolyusiya bag‘rikenglik va o‘zaro hurmatni qaror toptirish, diniy erkinlikni taʼminlash, eʼtiqod qiluvchilarning huquqini himoya qilish, ularning kamsitilishiga yo‘l qo‘ymaslikka ko‘maklashishga qaratilgan