Wire Insights: Journal of Innovation Insights

Media to‘garaklar inklyuziv ta’limning bir bo‘lagi sifatida gospital ta’limning muhim yo‘nalishi sifatida

Abduraximova Nozimaxon Baxadirovna

Mehrli maktab davlat ta’lim muassasasi “Media” to‘garak rahbari.

Keywords: inklyuziv ta’lim, gospital ta’lim, gospital pedagogika

Abstract

Inklyuziv ta’lim nogiron bolalarni ta’lim jarayoniga integratsiya qilish hamda umumta’lim maktablarini nogiron bolalarga moslashishini ko‘zda tutadigan, ijtimoiy adolat va tenglikni bosh maqsad qilib olgan jarayondir. Inklyuziv ta’lim maxsus ehtiyojli, nogiron bolalar ham faqat maxsus maktablarda emas, balki sog‘lom bolalar o‘qiydigan umumta’lim maktablarida ham ta’lim-tarbiya olishlari mumkin ekanligini e’tirof etadi. Buning uchun esa maktab ham, o‘qituvchi-tarbiyachilar ham inklyuziv ta’lim tizimiga tayyor bo‘lishi, maktab darajasi, jismoniy sharoit va o‘qishga imkon omillari shu ta’lim talablariga to‘la javob berishi kerak. Tez -tez, uzoq muddatli va og‘ir kasal bo‘lgan, yiliga to‘rt yoki undan ortiq kasal bo‘lgan va bir oydan ko‘proq kasalxonada davolanayotgan bolalarga alohida e’tibor talab etiladi. Shundan “Gospitat pedagogika” tushunchasi kelib chiqadi. Media to‘garaklar inklyuziv ta’limning bir bo‘g‘ini sifatida, gospital ta’limda muhim rol o‘ynaydi. Gospital ta’limi, o‘qish jarayonini sog‘liqni saqlash muassasalarida davom ettirish imkoniyatini yaratadi. Bu jarayonda media to‘garaklari o‘quvchilarga o‘z fikrlarini ifodalash, ijodiy yondoshuvni rivojlantirish va ijtimoiy integratsiyani ta’minlashda yordam beradi.